Háskólinn á Akureyri auglýsir lausa til umsóknar 100% ótímabundna stöðu umsjónarmanns húseigna- og búnaðar. Næsti yfirmaður er sviðsstjóri fjármála og reksturs. Starfsstöðin er á háskólasvæðinu á Akureyri og æskilegt er að viðkomandi geti hafið störf sem fyrst.
Helstu verkefni og ábyrgð
- Undirbúningur og frágangur kennslu og fundarrýma
- Umsjón og eftirlit með húsnæði, munum og lóð háskólans
- Aðstoð við nemendur og starfsfólk
- Önnur tilfallandi verkefni
Hæfniskröfur
- Reynsla og þekking af hússtjórnar- og aðgangsstýrikerfum er æskileg
- Reynsla af notkun verkbeiðnakerfa
- Sjálfstæð vinnubrögð og frumkvæði
- Sveigjanleiki og hæfni í mannlegum samskiptum
- Góð almenn tölvukunnátta
- Gott vald á Íslensku og ensku máli
- Hreint sakavottorð er skilyrði
- Bílpróf er skilyrði
- Gerð er krafa um vammleysi, gott orðspor og að framkoma og athafnir á vinnustað og utan hans samrýmist eðli og ábyrgð starfsins
Umsókn skal fylgja:
- Greinargott yfirlit yfir náms- og starfsferil
- Staðfest afrit af viðeigandi prófskírteinum
- Kynningarbréf þar sem fjallað er ítarlega um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
- Nöfn að minnsta kosti tveggja meðmælenda
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Starfshlutfall er 100%
Umsóknarfrestur er til og með 05.10.2026
Nánari upplýsingar veitir
Jón Steindór Árnason, Sviðsstjóri fjármála og reksturs, tölvupóstur: jonsteindor@unak.is.
Sækja um starf