Háskólinn á Akureyri auglýsir laust til umsóknar fullt starf verkefnastjóra þjónustudeildar við Upplýsingaþjónustu og bókasafn Háskólans á Akureyri. Við leitum að metnaðarfullum og fjölhæfum verkefnastjóra sem er jákvæður og sveigjanlegur og á auðvelt með að vinna í hóp. Starfið er fjölbreytt og krefjandi með áherslu á kennslu og fræðslu í upplýsingalæsi, þar á meðal ábyrga og markvissa notkun gervigreindar, rannsóknarstuðning og þróun þeirrar þjónustu við stúdenta og starfsfólk háskólans. Verkefnastjóri sér einnig um skráningu rannsóknarafurða starfsmanna háskólans í IRIS (Icelandic Research Information System) og tekur virkan þátt í samstarfi starfsfólks á sínu sviði og stefnumótun og umbótastarfi upplýsingaþjónustu og bókasafns.
Um er að ræða 100% starf með starfsstöð á háskólasvæðinu á Akureyri. Næsti yfirmaður er forstöðumaður Upplýsingaþjónustu og bókasafns.
Starfið er tímabundið til eins árs. Æskilegt er að viðkomandi geti hafið störf 1. janúar 2027.
Helstu verkefni og ábyrgð
- Sinnir kennslu og fræðslu í upplýsingalæsi fyrir stúdenta, doktorsnema og rannsakendur
- Skipuleggur námskeið og þróar kennsluefni og leiðbeiningar, þ.á.m. á vef
- Hefur yfirumsjón með og þróar rannsóknarþjónustu bókasafnsins fyrir m.a. rannsakendur og doktorsnema
- Veitir sérhæfðan stuðning við heimildaöflun, upplýsingaleit og notkun gervigreindar og vísindalegra gagnasafna
- Veitir ráðgjöf um opin vísindi (e. Open Science), þ.á.m. útgáfuferli og sýnileika rannsóknarniðurstaðna í opnum aðgangi, o.fl.
- Hefur yfirumsjón með skráningu rannsóknarafurða í IRIS rannsóknarkerfið
- Veitir almenna upplýsingaþjónustu og þjónustu við notendur eftir því sem við á
- Tekur þátt í faglegu samstarfi, starfshópum og verkefnum innan og utan háskólans
Hæfniskröfur
- Háskólapróf sem nýtist í starfi.
- Menntun í bókasafns- og upplýsingafræði er æskileg.
- Háskólapróf á meistarastigi sem nýtist í starfi er kostur.
- Kennslureynsla og próf í kennslufræði til kennsluréttinda er kostur.
- Þekking eða reynsla af rannsóknum og/eða rannsóknarstuðningi er kostur.
- Þekking og reynsla af háskólaumhverfi er æskileg.
- Skipulögð og vönduð vinnubrögð, rík þjónustulund og góð samskipta- og samstarfshæfni eru mjög mikilvæg.
- Hæfileiki til að tileinka sér nýjungar, frumkvæði og sjálfstæði í starfi.
- Mjög góð færni í notkun upplýsingatækni og stafrænna verkfæra.
- Góð færni í íslensku og ensku, jafnt töluðu sem rituðu máli.
Umsókn skal fylgja:
- Greinargott yfirlit yfir náms- og starfsferil
- Staðfest afrit af viðeigandi prófskírteinum
- Kynningarbréf þar sem fjallað er ítarlega um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
- Nöfn að minnsta kosti tveggja meðmælenda
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.
Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.
Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.
Starfshlutfall er 100%
Umsóknarfrestur er til og með 04.11.2026
Nánari upplýsingar veitir
Astrid M. Hoddevik Magnúsdóttir, forstöðumaður Upplýsingaþjónustu og bókasafns, tölvupóstur: astrid@unak.is og sími: 460 8051.
Sækja um starf