Brautskráning 2020 verður rafræn

Vegna aðstæðna verða brautskráningar 12. og 13. júní rafrænar
Brautskráning 2020 verður rafræn

Vegna aðstæðna og þeirra reglna sem gilda um fjöldatakmarkanir hefur Háskólaráð samþykkt tillögu framkvæmdastjórnar um að brautskráning 2020 verði með rafrænum hætti. Vænta má nánari upplýsinga um útfærslu brautskráningar í kringum 20. maí.  

Á þessum tímapunkti er mikilvægt að vita:

  • Formlegur brautskráningardagur er áfram 13. júní (12. júní fyrir framhaldsnám) - nemendur sem ljúka sínu námi á vormisseri munu því fá skírteini sín afhent í kringum þá dagsetningu. 
  • Kandídatar þurfa að skrá sig til júní brautskráningar fyrir 1. júní, 2020.
  • Nemendur mæta ekki á staðinn til að taka á móti skírteinum.  
  • Nemendur sem ljúka námi á árinu 2020 geta tekið formlega þátt í brautskráningarhátíð sem haldin verður í febrúar 2021 ef aðstæður í samfélaginu leyfa að halda slíka hátíð á þeim tímapunkti.

Brautskráningarhópur HA vinnur nú að frekari útfærslu á framkvæmd brautskráningar 2020 ásamt því að fulltrúar kandídata frá Stúdentaráði HA hafa verið fengnir til þess koma fram með tillögur. 

Niðurstaða þessi er erfið fyrir okkur öll enda brautskráningarhátið mikil uppskeruhátíð fyrir nemendur og starfsfólk skólans. Breyttar aðstæður kalla á breytt fyrirkomulag, gerum það besta úr aðstæðum. Við munum því leggja mikinn metnað í að reyna að fanga hinn sanna uppskeruanda með rafrænum hætti nú í júní.