Barneignir í breyttum heimi: Óvissa, ábyrgð og framtíðarsýn ungs fólks

Öll velkomin á Félagsvísindatorg! 

Barneignir í breyttum heimi: Óvissa, ábyrgð og framtíðarsýn ungs fólks

Fæðingartíðni á Íslandi hefur farið lækkandi og sífellt fleiri fresta barneignum eða ákveða að eignast ekki börn. En hvað liggur að baki þessum breytingum?

Á næsta Félagsvísindatorgi fjallar Sunna Símonardóttir, lektor við Félagsvísindadeild Háskólans á Akureyri, um hvernig ungt fólk endurmetur barneignir í ljósi fjárhagslegs og félagslegs öryggis, persónulegs frelsis og þeirra væntinga og ábyrgðar sem fylgja foreldrahlutverkinu.

Einnig verður fjallað um hvernig loftslagskvíði, óvissa um framtíðina og samfélagslegar væntingar hafa áhrif á ákvarðanir ungs fólks um barneignir. Erindið byggir á rannsóknum Sunnu og varpar ljósi á breytt viðhorf til fjölskyldulífs og foreldrahlutverks í nútímasamfélagi.

• Félagsvísindatorg fer fram í stofu M101
• Streymt verður frá torginu á Zoom hér

Sunna Símonardóttir

Sunna Símonardóttir er lektor við Félagsvísindadeild Háskólans á Akureyri. Hún lauk doktorsprófi í félagsfræði frá Háskóla Íslands árið 2017 og hefur sérhæft sig í rannsóknum á foreldrahlutverkinu, kyngervi og fæðingartíðni.

Verið hjartanlega velkomin

Félagsvísindatorg er opið öllum áhugasömum. Við hvetjum fólk til að kíkja við, fræðast og taka þátt í áhugaverðri umræðu. Það er alltaf ánægjulegt að fá gesti til okkar í Háskólann á Akureyri!