Vísindavaka 2026

Hittu okkur á Vísindavöku!

Vísindavaka 2026 verður haldin laugardaginn 26. september í Laugardalshöll. Fulltrúar Háskólans á Akureyri verða að sjálfsögðu á staðnum með fjölbreyttar rannsóknir, tilraunir og verkefni fyrir forvitna gesti á öllum aldri.

Komdu við hjá okkur - prófaðu, rannsakaðu, spurðu og uppgötvaðu!

Hjá Háskólanum á Akureyri getur þú meðal annars:

• Kannað hversu hreinar hendur þínar eru og komist að því hvað leynist þar sem augað sér ekki
• Leikið þér með vísindi, tækni og sköpun og prófað efnivið úr STEM-vísindasmiðju fyrir leikskóla
• Prófað að fara í viðtal í beinni, ert þú kannski næsta fjölmiðlastjarna Íslands?
• Komist að því hvað hefur áhrif á loftgæðin okkar
• Gert tilraunir með útfjólublátt ljós, framkallað form og séð áhrif ljóssins með eigin augum
• Kynnst stóma og stómapokum og séð hvernig sérstakur bangsi hjálpar til við kennslu hjúkrunarfræðinema

Vinir okkar á SAk verða með!

HA og SAk vinna náið saman að kennslu, rannsóknum og fjölbreyttum verkefnum. Á Vísindavöku verður því líka hægt að hitta fólk frá SAk og prófa ýmislegt spennandi.

Þar getur þú meðal annars:

• Kynnst hjartastuðtækjum og verkefni um skráningu þeirra á Íslandi
• Gefið Nonna vökva í „æð“, en Nonni er barnadúkka úr hermisetri SAk
• Prófað þekkinguna á mannslíkamanum og fundið réttu líkamspartana og líffærin á beinagrind
• Gerst heilbrigðisstarfsmaður í smástund og hjúkrað böngsum og dúkkum sem þurfa á góðri aðhlynningu að halda

Það verður nóg að skoða, prófa og uppgötva - við hlökkum til að hitta ykkur á vísindavöku!