Afhending Grænfánans

Háskólinn á Akureyri fær Grænfánann í sjötta sinn og því ber að fagna!

Fulltrúi Landverndar mun afhenda rektor Háskólans á Akureyri í sjötta sinn við formlega athöfn föstudaginn 10. apríl. Mæting er í Miðborg.

Háskólinn á Akureyri fékk Grænfánann fyrstur íslenskra háskólaárið 2013 og var jafnframt með fyrstu háskólum í heiminum til þess að flagga Grænfánanum.

Grænfáninn er veittur af Landvernd sem hluti af alþjóðlegu umhverfismenntaverkefni og er viðurkenning til þeirra skóla sem sýna fram á raunverulega og sjálfbæra skuldbiningu í umhverfismálum. HA er einn af tveimur íslenskum háskólum sem tekur þátt í Grænfánaverkefninu. Það að fá Grænfánann afhentan í sjötta sinn er vitnisburður um óþreytandi starf stúdenta og starfsfólks sem hafa lagt hönd á plóg þegar kemur að umhverfismálum. Við erum sannarlega stolt af öllum sem hafa lagt sitt ar mörkum til þessa árangurs.

Markmið Grænfánaverkefnisins eru að:

• Bæta umhverfi skólans, minnka úrgang og notkun á vatni og orku.
• Efla samfélagskennd innan skólans.
• Auka umhverfisvitund með menntun og verkefnum innan kennslustofu og utan.
• Styrkja lýðræðisleg vinnubrögð við stjórnun skólans þegar teknar eru ákvarðanir sem varða nemendur.
• Veita nemendum menntun og færni til að takast á við umhverfismál.
• Efla alþjóðlega samkennd og tungumálakunnáttu.
• Tengja skólann við samfélag sitt, fyrirtæki og almenning.

Nánar má lesa um verkefnið inn á heimasíðu Landverndar.

Öll velkomin!