Gervigreind: Hver mótar framtíðina?

Gervigreind: Hver mótar framtíðina? Háskólar, rannsóknir, nýsköpun og samfélag á tímum gervigreindar

Hvernig mun gervigreind breyta því hvernig við lærum, störfum, stundum rannsóknir og sköpum ný verðmæti? Og hver ákveður hvernig við nýtum hana?

Háskólinn á Akureyri býður öllum áhugasömum velkomið til samtals um gervigreind og framtíðina miðvikudaginn 25. nóvember kl. 9–11 í Hátíðarsal háskólans.

Á viðburðinum verður sjónum beint að þeim tækifærum og áskorunum sem fylgja gervigreind fyrir háskóla, rannsóknir, nýsköpun, atvinnulíf og samfélagið í heild.

Öll eru hjartanlega velkomin!

SKRÁ MIG Á VIÐBURÐINN

Gervigreind er ekki lengur eitthvað sem bíður okkar í framtíðinni. Hún er þegar farin að breyta vinnubrögðum, skapa ný tækifæri og ögra hugmyndum okkar um menntun, þekkingu og störf.

En hversu vel erum við undirbúin? Hvaða tækifæri felast í þessari þróun fyrir háskóla, fyrirtæki og samfélagið? Og hvað þurfum við að gera í dag til að nýta þau?

Frá stóru myndinni til aðgerða

Hjálmar Gíslason, frumkvöðull og fjárfestir sem leiddi starfshóp stjórnvalda um gervigreind, flytur erindi þar sem hann dregur upp stóru myndina, fjallar um niðurstöður starfshópsins og veltir upp áhrifum gervigreindar á menntun, rannsóknir, nýsköpun og samfélagið.

Að erindinu loknu fara fram pallborðsumræður þar sem þrjú ólík sjónarhorn mætast:

• Hjálmar Gíslason, frumkvöðull og fjárfestir – Tækniþróun, nýsköpun og framtíðarsýn
• Áslaug Ásgeirsdóttir, rektor Háskólans á Akureyri – Framtíð háskóla, kennslu og rannsókna
• Berglind Ósk Guðmundsdóttir, bæjarstjóri Akureyrarbæjar – Tækifæri fyrir atvinnulíf, opinbera þjónustu og samfélagið

Sesselja I. Barðdal Reynisdóttir, framkvæmdastjóri Drift EA, stýrir pallborðsumræðunum og leiðir samtalið frá stóru spurningunum yfir í raunveruleg tækifæri og næstu skref

Fundarstjóri er Svava Björk Ólafsdóttir, nýsköpunarstjóri Háskólans á Akureyri

Gestum gefst einnig kostur á að beina spurningum til þátttakenda

Framtíðin mótast ekki af tækninni einni saman, heldur líka af ákvörðununum sem við tökum um hvernig við nýtum hana

Frekari upplýsingar

Frekari upplýsingar um viðburðinn veitir Svava Björk Ólafsdóttir, nýsköpunarstjóri HA, svava@unak.is 

Velkomin - við hlökkum til að sjá þig!