36 kandídatar brautskrást í dag

Í dag brautskrást 36 kandídatar frá tveimur fræðasviðum Háskólans á Akureyri. Þar af eru fjórir brautskrást úr grunnnámi og 32 úr framhaldsnámi. Um er að ræða stærstu október brautskráningu síðustu ára.

Laugardaginn 17. febrúar 2024 munum við fagna þessum kandídötum sérstaklega á Vetrarbrautskráningarathöfn Háskólans á Akureyri. Sú athöfn er ætluð kandídötum sem brautskrást í dag sem og þeim sem munu brautskrást í febrúar 2024. Hér má nálgast helstu upplýsingar um athöfnina.

Háskólinn á Akureyri brautskráir einnig kandídata frá Háskólasetri Vestfjarða en Haf- og strandsvæðastjórnun og Sjávarbyggðafræði fer þar fram. Af þeim 32 sem brautskrást úr framhaldsnámi eru 18 að ljúka námi við Háskólasetur Vestfjarða. Opnað verður fyrir umsóknir í það nám í desember 2023 og sótt er um í umsóknargátt Uglu.

Eins og áður kom fram er um að ræða stærstu október brautskráningu síðustu ára:

Heilbrigðis-, viðskipta- og raunvísindasvið

• Einn kandídat úr viðskiptafræði BS
• Einn kandídat úr auðlindafræði MS
• Sjö kandídatar úr heilbrigðisvísindum MS
• Sextán kandídatar úr haf- og strandsvæðastjórnun MRM

Hug- og félagsvísindasvið

• Tveir kandídatar úr lögfræði BA
• Einn kandídat úr nútímafræði BA
• Einn kandídat með viðbótardiplómu á framhaldsstigi í heimskautarétti
• Einn kandídat með viðbótardiplómu á framhaldsstigi í menntavísindum
• Tveir kandídatar úr heimskautarétti LLM
• Einn kandídat úr lögfræði ML
• Einn kandídat úr rannsóknartengdu meistaranámi í félagsvísindum MA
• Tveir kandídatar úr sjávarbyggðafræði MA

Kandídatar fá prófskírteini sín send á lögheimili sitt á næstu dögum.

Háskólinn á Akureyri óskar kandídötum og aðstandendum þeirra hjartanlega til hamingju með áfangann! Við hlökkum til að fagna með ykkur 17. febrúar 2024