Akademía og gervigreind

Magnús Smári Smárason, verkefnastjóri gervigreindar við Háskólann á Akureyri, verður með opið vefnámskeið fimmtudaginn 14. maí þar sem hann fjallar um hvernig HA hefur byggt upp innviði og stjórnskipulag í kringum notkun gervigreindar í námi, kennslu og rannsóknum.

Á námskeiðinu verður farið yfir þá vegferð Háskólans á Akureyri að móta heildstæða nálgun á notkun gervigreindartóla, þar sem áhersla hefur verið lögð á áreiðanleika, gagnsæi og raunverulegt notagildi fyrir starfsfólk og stúdenta. Magnús Smári mun meðal annars segja frá þróuninni á BORG, öruggum blandaða gervigreindarvettvangi HA, og hvernig innleiðing verkfæra á borð við Scite fellur inn í stærra samhengi stefnumótunar og notkunar innan háskólans.

Á námskeiðinu verður sjónum beint að því hvernig háskólar geta tekið upplýstar ákvarðanir um gervigreindartól, hver þurfa að koma að slíkum ákvörðunum og hvers vegna áreiðanleiki tilvísana og heimilda er ekki aðeins tæknilegt úrlausnarefni heldur einnig mikilvægt stjórnsýslu- og gæðamál.

Að loknu erindi Magnúsar tekur við samtal hans við Sean Rife, meðstofnanda Scite, og að því loknu verður opnað fyrir spurningar frá þátttakendum.

Magnús Smári hefur leitt vinnu við fyrstu heildstæðu gervigreindarstefnu íslensks háskóla og hefur umsjón með framleiðslukerfum HA á sviði gervigreindar. Hann er með meistaragráðu í félagsvísindum með áherslu á gervigreind og samfélag og hefur fjallað um gervigreind, stjórnarhætti og samfélagsleg áhrif tækninnar á fjölbreyttum vettvangi.

Vefnámskeiðið er opið öllum og fer fram í beinu streymi á Zoom. Það hefst klukkan 15:00, fimmtudaginn 14. maí. Smelltu hér fyrir frekari upplýsingar og skráningu.